سندھ کابینہ میں توسیع کا فیصلہ کر لیا گیا ہے اور آج مزید وزرا کے حلف اٹھائے جانے کا امکان ہے۔
اے آر وائی نیوز کو ذرائع سے ملنے والی اطلاعات کے مطابق پیپلز پارٹی کی سندھ حکومت نے صوبائی کابینہ میں مزید توسیع کا فیصلہ کیا ہے اور مزید 8 وزرا کے آج حلف اٹھائے جانے کا امکان ہے۔
حلف برداری کی تقریب آج شام پانچ بجے گورنر ہاؤس میں ہوگی اور گورنر سندھ کامران ٹیسوری نئے وزرا سے حلف لیں گے۔
- Advertisement -
اس وقت صوبائی کابینہ 9 وزرا اور تین مشیروں پر مشتمل ہے۔ نئے شامل ہونے والے وزرا کا مختلف محکموں کے قلمدان تفویض کیے جائیں گے۔
حلف برداری کی تقریب میں وزیراعلی سندھ، صوبائی وزراء، چیف سیکریٹری، بیوروکریٹس اور دیگر شرکت کریں گے۔
