پاکستان کی ایک ماہ میں آئی ٹی ایکسپورٹ ریکارڈ سطح پر پہنچ گئی۔

رپورٹ کے مطابق مارچ 2024 میں آئی ٹی ایکسپورٹ 19 فیصد اضافے سے پہلی بار 30 کروڑ 60 لاکھ ڈالر رہی جب کہ دسمبر 2023 میں پہلی بار آئی ٹی ایکسپورٹ 30 کروڑ 30 لاکھ ڈالر ہوئی تھی۔

مارچ 2023 سے مارچ 2024 کے ایک سال میں آئی ٹی ایکسپورٹ کی شرح میں 37 فیصد اضافہ ہوا ہے۔ مالی سال 23-24 کے نو ماہ میں آئی ٹی ایکسپورٹ17 فیصد اضافے سے 2 ارب 28 کروڑ ڈالر رہی۔

آئی ٹی ایکسپرٹ کا کہنا ہے کہ ایکسپورٹرز کو دی جانے والی خصوصی فارن اکاؤنٹ کی سہولیات ریکارڈ آئی ٹی ایکسپورٹ کا سبب ہے آئی ٹی ایکسپورٹ رواں مالی سال کے اختتام پر 3.5 ارب ڈالر تک جاسکتی ہے۔