بھارتی سپر اسٹار کراٹے فائٹر کو ناک آؤٹ کر کے چیمپئن شپ جیتنے والے پاکستان فائٹر شاہ زیب کا حریف رانا سنگھ کو تھپڑ جڑا تھا جو اب نیا ٹرینڈ بن گیا ہے۔
گزشتہ دنوں دبئی میں کراٹے کمبیٹ کے فیصلہ کن مرحلے میں پاکستانی فائٹر شاہ زیب رند نے روایتی حریف بھارت کے سپر اسٹار فائٹر رانا سنگھ کو شکست دے کر چیمپئن بننے کا اعزاز حاصل کیا تھا۔
تاہم یہ اعزاز حاصل کرنے سے قبل شاہ زیب نے بھارتی فائٹر کو ایک زور دار تھپڑ بھی رسید کیا تھا جس کو میڈیا میں کافی شہرت ملی اور یوں ابھینندن کی چائے کے بعد تھپڑ کی گونج ایسی دنیا میں پھیلی کہ چائے کیسی تھی کے بعد اب تھپڑ کیسا تھا نیا ٹرینڈ بن گیا ہے۔
بھارتی فائٹر کو چند سیکنڈ میں ڈھیر کرنے والے پاکستانی فائٹر شاہ زیب رند نے اے آر وائی نیوز سے خصوصی گفتگو میں کہا کہ چائے کیسی ہے کہ اب لوگ پوچھتے ہیں کہ تھپڑ کیسا تھا۔
شاہ زیب نے مزید کہا کہ جیتنے کے بعد پاکستان اور بھارت کا جھنڈا امن کا پیغام دینے کے لیے اٹھایا تھا۔
انہوں نے مزید کہا کہ اداکار سلمان خان سلمان خان پہلے بھی میری فائٹ دیکھ چکے ہیں، اس لیے انہوں نے کہا تم ہر کسی کو بیس سیکنڈ میں ناک آؤٹ کر دیتے ہو۔
بھارتی فائٹر کو تھپڑ کیوں مارا؟ پاکستانی چیمپئن کراٹے کمبیٹ شاہ زیب کا انکشاف
واضح رہے کہ شاہ زیب نے دبئی میں منعقدہ کراٹے کمبیٹ کے فائنل میچ سے قبل پریس کانفرنس میں پاکستان کے خلاف باتیں کرنے پر بھارتی فائٹر رانا سنگھ کو تھپڑ جڑ دیا تھا۔
قارئین کو یہ بھی یاد ہوگا کہ پانچ سال قبل جب پاکستان نے بھارت کے طیارے گرائے تھے تو بھارتی پائلٹ ابھینندن کو گرفتار کیا تھا جس کو جذبہ خیر سگالی کے تحت رہا کر دیا گیا تھا۔
دوران قید پاکستان نے بھارتی پائلٹ کی شاندار میزبانی کی تھی اور ابھینندن نے بھی رہائی کے وقت اس کی تعریف کرتے ہوئے کہا تھا کہ چائے اس فنٹاسٹک، جس کے بعد چائے کیسی تھی سوشل میڈیا پر ٹاپ ٹرینڈ بن گیا تھا۔
