پاکستانی میوزک انڈسٹری کے معروف گلوکار ابرارالحق نے دعویٰ کیا ہے کہ اُنہیں ماضی میں بالی ووڈ اداکارہ کترینہ کیف کے ساتھ فلم کی پیشکش ہوئی تھی۔
ابرار نے مشہور میزبان حافظ احمد پوڈ کاسٹ سیشن میں بطور مہمان خصوصی شرکت کی، جس کے دوران موسیقار سے پوچھا گیا کہ کیا انہیں پڑوسی ملک سے کوئی پیشکش موصول ہوئی ہے۔
اس کے جواب میں ابرار الحق نے انکشاف کیا کہ ’’مجھے کچھ پرائیویٹ انڈین کمپنی کی جانب سے ایک البم کی پیشکش ہوئی تھی لیکن کنٹریٹ کے قواعد و ضوابط کی وجہ سے میں نے کام کرنے سے انکار کر دیا تھا‘‘۔
View this post on Instagram
پاکستان گلوکار نے کہا کہ کنٹریکٹ کی شرائط میں تھا کہ مجھے مقبوضہ کشمیر اور دیگر موضوعات پر کوئی بات نہیں کرنی مجھے ان کی یہ بات سمجھ نہیں آئی، میرا ماننا ہے کہ بھارت جیسا ملک، جو آزادی اظہار پر یقین رکھتا ہو، اسے ایسی باتیں نہیں کرنی چاہیے۔
ابرارالحق نے کہا کہ مجھے بھارت کی معروف کمپنی نے فلم کی پیشکش بھی کی تھی، اُس فلم کی کاسٹ میں کترینہ کیف بھی شامل تھیں لیکن میں نے پیشکش قبول نہیں کی تھی۔
View this post on Instagram
پاکستانی گلوکار نے کہا کہ ’ جب میں نے انکار کیا تو ’ایروز کمپنی‘ نے کہا ہمیں کبھی بھی کسی نے انکار نہیں کیا، آج تک کسی نے ہمیں یہ نہیں کہا کہ وہ ہمارے ساتھ کام نہیں کرنا چاہتے، ہم نے سوچا تھا آپ ہمارے پاس بھاگ کر آئیں گے۔
