پشاور: خیبرپختونخوا میں 2 روز کے دوران ہونے والی شدید بارشوں کے نقصانات سے متعلق پی ڈی ایم اے نے رپورٹ جاری کردی ہے۔
اے آر وائی نیوز کے مطابق خیبرپختونخوا میں 2 روزکے دوران ہونے والی بارشوں کے باعث حادثات میں 10 افراد جاں بحق، 14زخمی ہوئے۔
پی ڈی ایم اے کی رپورٹ کے مطابق دیواریں،چھتیں اور آسمانی بجلی گرنے سے 56 گھروں کونقصان پہنچا جبکہ سیلابی ریلے اور چھتیں گرنے سے 110 مویشی ہلاک ہوئے۔
پی ڈی ایم اے کے مطابق متاثرہ اضلاع میں امدادی سرگرمیاں جاری ہیں، سیاحوں کو محفوظ مقامات پر منتقل کیا جارہا ہے، متعلقہ ادارے،تمام ضلعی انتظامیہ سے رابطے میں ہیں، صورتحال پر نظر رکھے ہوئے ہیں۔
کراچی میں گرمی کی شدت کتنی رہے گی؟ محکمہ موسمیات نے بتادیا
دوسری جانب چلاس شہر اور گردونواح میں موسلا دھار بارش، پہاڑو ں پر برفباری کا سلسلہ جاری ہے، بالائی علاقوں میں برفباری کے باعث لوگ گھروں میں محصور ہوگئے ہیں۔
