انگلینڈ کرکٹ ٹیم کے کپتان جوز بٹلر نے پاکستانی ٹیم کو خطرناک قرار دے دیا۔
پاکستان کے خلاف پہلے ٹی 20 میچ سے قبل لیڈز میں میڈیا سے گفتگو کرتے ہوئے انگلش کپتان جوز بٹلر نے کہا کہ پاکستان مضبوط ٹیم ہے، بولرز کی قابلیت سے آگاہ ہیں۔
انہوں نے کہا کہ حارث رؤف، شاہین شاہ آفریدی، نسیم شاہ کی بولنگ خطرناک ہے۔
جوز بٹلر نے کہا کہ پاکستان کے ساتھ میچ کھیلنے کا بہت مزہ آتا ہے، ان کی کوالٹی بولنگ کے سامنے ہمارا زبردست امتحان ہوگا۔
گزشتہ روز قومی ٹیم کے آل راؤنڈر عماد وسیم کا کہنا تھا کہ گیری کرسٹن نے چند اچھی چیزیں بتائی ہیں۔ انگلینڈ کے خلاف سیریز اور ورلڈکپ میں کھلاڑیوں کی پرفارمنس میں فرق نظر آئے گا۔
واضح رہے کہ پاکستان اور انگلینڈ کے درمیان چار میچز پر مشتمل ٹی ٹوئنٹی سیریز 22 مئی سے شروع ہوگی۔ دونوں ٹیموں کے درمیان ٹی ٹوئنٹی سیریز کے میچز 22، 25، 28 اور 30 مئی کو کھیلے جائیں گے۔
