نصیرآباد میں تھانہ خان کوٹ کی حدود میں دو گروپوں میں پرانی دشمنی پر فائرنگ سے 5 افراد جاں بحق، 3زخمی ہوگئے۔
اے آر وائی نیوز کے مطابق پولیس ذرائع کا کہنا ہے کہ لاشوں اور زخمیوں کو سول اسپتال ڈیرہ مراد جمالی منتقل کر دیا گیا ہے، دونوں گروپوں میں مسلح تصادم کہ وجہ پرانی دشمنی ہے۔
دوسری جانب مرید کے میں پیش آئے ایک افسوسناک واقعے میں 7 سالہ بہن سے اچانک گولی چلنے کے سبب 12 سالہ بہن زندگی کی بازی ہار گئی۔
اے آر وائی نیوز کے مطابق پولیس ذرائع کا اس حوالے سے کہنا ہے کہ 7 سالہ ارم فاطمہ پستول سے کھیل رہی تھی کہ اچانک گولی چل گئی، گولی لگنے سے 12سالہ زہرہ فاطمہ موقع پر جاں بحق ہوگئی، جس کی لاش کو اسپتال منتقل کر دیا گیا ہے۔
کراچی میں پولیس کا جرائم پیشہ افراد کے خلاف کومبنگ آپریشن
پولیس کے مطابق مقتولہ کے والد ذوالفقار نے کارروائی کیلئے درخواست دیدی ہے، پولیس نے پستول برآمد کرکے 7 سالہ ملزمہ کو شامل تفتیش کرلیا ہے۔
