اسلام آباد : وفاقی دارلحکومت میں بیرون ملک سے آئے پاکستانی کے 12 سالہ بیٹے کو اغوا کرلیا گیا، پولیس نے مقدمے کے اندراج کے بعد تفتیش شروع کردی ہے۔
تفصیلات کے مطابق اسلام آباد میں تھانہ سنگجانی کی حدود سے اوورسیز پاکستانی کے بارہ سالہ بیٹے کو اغوا کرلیا گیا۔
بچہ بیس مئی کو اسکول گیا تھا لیکن واپس نہیں آیا، قطر سے چھٹی پر آئے محمد یوسف کی درخواست پر تھانہ سنگجانی میں مقدمہ درج کرلیا گیا ہے۔
مقدمے کے متن میں کہا گیا کہ بیس مئی کو بیٹا اسکول جانے کیلئے نکلا تھا لیکن وہ اسکول پہنچانہ گھر واپس آیا، ابتدا میں لگا بچہ ناراض ہو کر رشتہ داروں کے گھر چلا گیا ہے۔
والد کا کہنا تھا کہ تلاش کے بعد آج تک بیٹا نہیں ملا خدشہ ہے کہ اسے کسی نے اغواء کر لیا ہے، پولیس نے مقدمے کے اندراج کے بعد تفتیش شروع کر دی ہے۔
