قومی کرکٹر عثمان خان نے ڈیلس میں ساتھی کھلاڑیوں کو قہقہے لگانے پر مجبور کردیا۔
ٹی 20 ورلڈ کپ میں میزبان امریکا کے خلاف پہلے میچ سے قبل قومی کرکٹرز کی جانب سے ہنسی مذاق کرنے کی ویڈیو سوشل میڈیا پر وائرل ہوگئی۔
قومی بیٹر عثمان خان نے کہا کہ جن بھائیوں کی آمدنی زیادہ ہے وہ تھوڑے پیسے مجھے دے دیں۔
انہوں نے ازراہ مذاق کہا کہ پاکستان سے شرٹس لیں تو نیوزی لینڈ، آئرلینڈ اور انگلینڈ میں بھی پہنیں، عامر بھائی نے 8 ہزار درہم کی شرٹ پہنی تو مجھے دو دن نہیں آئی۔
واضح رہے کہ ٹی 20 ورلڈ کپ میں قومی ٹیم اپنی مہم کا آغاز کل سے کرے گی، گرین شرٹس کو میزبان امریکا کا چیلنج درپیش ہوگا۔
قومی ٹیم کے آل راؤنڈر عماد وسیم انجری کے سبب پہلے میچ میں ٹیم کو دستیاب نہیں ہوں گے۔
