اسلام آباد : ڈریپ نے درد کُش اور سوجن دور کرنے کے انجکشن کی فروخت پرپابندی لگاتے ہوئے مارکیٹ سے اٹھانے کا حکم جاری کردی۔
تفصیلات کے مطابق ڈریپ نے کیڈلیک انجکشن 30 ایم جی کا پراڈکٹ ری کال الرٹ جاری کردیا، جس میں کہا کہ انتباہی مراسلے کا اجرا ریگولیٹری فورس، فارمیسیز،ڈاکٹرز کیلئے کیا ہے، یہ انجکشن بروکس فارما کراچی کا تیارکردہ ہے۔
الرٹ کا کہنا تھا کہ کیڈلیک کیٹورولیک سالٹ سےتیار کردہ اینٹی انفلی میٹری انجکشن ہے، انجکشن کےبیچزمارکیٹ سے واپس اٹھوانے کا فیصلہ ہوا ہے۔
الرٹ میں کہا گیا کہ بروکس فارما رضاکارانہ طور انجکشن مارکیٹ سے اٹھوا رہی ہے،سپلائی روک دی، انجکشن کی وائلزمیں غیر ضروری زرات کی تصدیق ہوئی ہے۔
کیڈلیک انجکشن سرجری کےبعد درد کمی اور سوجن کیلئے لگایا جاتا ہے،غیر معیاری دوا کا استعمال خون کی شریانوں کو بند کر سکتا ہے، غیر معیاری دوا سے ٹشوز میں سوجن،جان لیواالرجیزہو سکتی ہیں۔
غیر معیاری دوا کا استعمال پھیپڑے کے ٹشوز کیلئے نقصان دہ ہو سکتا ہے اور خون جمنے کی شکایت ہو سکتی ہے۔
کیمسٹ کیڈلیک انجکشن کے متاثرہ بیچز کی سیل روکنے کیلئے اسٹاک چیک کریں اور فارمیسی بھی متاثرہ بیچز کمپنی کو واپس کریں، ڈاکٹرز مریضوں کو انجکشن کے متاثرہ بیچز استعمال نہ کرائیں۔
