اسلام آباد : اہم معاشی اہداف کے تعین کے لیے 5 سالہ پلان تیار کرلیا گیا، معاشی پلان قومی اقتصادی کونسل میں پیش کیا جائے گا۔
تفصیلات کے مطابق وفاقی حکومت نے 2024 تا 2029 پانچ سالہ پلان تیارکرلیا، ذرائع نے کہا کہ 5 سالہ معاشی پلان کل قومی اقتصادی کونسل میں منظوری کیلئے پیش کیا جائے گا۔
پلان طویل بنیادوں پرمعاشی منصوبہ بندی کے لیے تیار کیا گیا ہے، آئندہ مالی سال کے بجٹ میں پلان منظور کرایا جائے گا۔
5 سالہ پلان کے تحت اہم معاشی اہداف کا تعین کیاجائےگا، میکرواکنامک فریم ورک، توانائی، توازن ادائیگی، ترقیاتی بجٹ ، خوراک و زراعت،آبادی،غربت،گورننس اصلاحات پلان میں شامل ہیں۔
ذرائع کے مطابق سال 2018 کے بعد 5 سالہ پلان مرتب نہیں کیا گیا۔
