کراچی: شہر کے صنعتی علاقے پرانا حاجی کیمپ کی ٹمبرمارکیٹ میں آگ لگ گئی کئی گھنٹے کی جدوجہد کے بعد بھی قابو نہ پایا جاسکا۔
لکڑی کے گودام میں رات ایک بجے کے قریب لگنے والی آگ نے دیکھتے ہی دیکھتے قریبی رہائشی عمارتوں کوبھی لپیٹ میں لے لیا۔
آگ پرقابو پانے کے لیے شہربھرکے فائر ٹینڈرز طلب کئے گئے جو کہ آگ بجھانے مصروف ہیں لیکن گاڑیوں میں پانی ختم ہونےاور تنگ گلیوں کےباعث آگ بجھانے میں مشکلات کا سامناکرنا پڑا اورعلاقہ مکینوں نے بمشکل اپنی جان بجائی۔
آگ لگنے کےکچھ دیر بعد بجلی بھی بند ہوگئی جس سےبھی امدادی سرگرمیاں متاثر ہوئیں، آگ پھیلتے ہی دیگر افراد نے اپنے گوداموں سےسامان نکال کر محفوظ مقام پرمنتقل کرنا شروع کردیا۔
ایم کیو ایم کے قائد الطاف حسین نے واقعے کی شدید مذمت کی ہے اور انہوں نے کراچی کے انتظامی افسر شعیب صدیقی کو تنقید کانشانہ بناتے ہوئے کہا کہ وہ صرف منہ دکھانے کے لئے آئے تھے۔
