سول ایوی ایشن اتھارٹی کی جوائنٹ ایمپلائز یونین نے تنخواہوں میں اضافے کا مطالبہ کر دیا۔
اس سلسلے میں سی اے اے ملازمین کی نمائندہ تنظیم نےڈائریکٹر ہیومن ریسورس کو خط لکھ دیا ہے جس میں کہا گیا ہے کہ نئے بجٹ میں تنخواہوں میں اضافے کیساتھ ٹیکس سلیب کے نفاذ کے بعد پریشانی ہے لہذا ملازمین کی 25 فیصد تنخواہوں میں اضافہ ٹیکس سلیب کےحساب سے کیا جائے۔
خط کے مطابق نئے ٹیکس سلیب کے ساتھ تنخواہوں میں اضافہ نہ کرنا ملازمین کیساتھ مذاق ہے سی اےاے ملازمین بگڑتی معاشی صورتحال کی وجہ سےمعاشی مسائل کا شکار ہیں، حکومت کی جانب سےملازمین کی تنخواہوں میں مہنگائی کےتناسب سےاضافہ نہیں کیا گیا۔
- Advertisement -
خط میں کہا گیا کہ سی اےاے ملازمین کو عید بونس کی ادائیگی نہ کیے جانے سے ملازمین پریشانی کا شکار ہیں۔