لاہور: کرکٹرز بسمہ معروف اور محمد علی کو انسداد پولیو پروگرام کے سفیر مقرر کر دیا گیا۔
تفصیلات کے مطابق سربراہ انسداد پولیو پروگرام خضر افضال نے کہا ہے کہ بسمہ معروف اور محمد علی کو انسداد پولیو پروگرام کے سفیر مقرر کیا گیا ہے، کرکٹرز کی شمولیت پولیو ٹیموں کے لیے سازگار ثابت ہوگی۔
خضر اقبال نے بتایا کہ بسمہ اور علی کی پولیو کے انسداد کے لیے کاوشیں قابل داد ہیں، قومی ہیروز والدین کے ساتھ رابطہ کاری میں مدد دے رہے ہیں۔ انھوں نے کہا پنجاب میں پولیو کی مقامی افزائش کا چیلنج درپیش ہے، اور ان کی ترجیح 100 فی صد بچوں کو قطرے پلانا ہے۔
- Advertisement -
بسمہ معروف نے اس موقع پر کہا کہ پاکستان سے پولیو کا خاتمہ ہماری ترجیح ہونی چاہیے، پولیو کے مکمل خاتمے تک سخت نگرانی کی ضرورت ہے، کرکٹر محمد علی نے کہا کہ ہم پولیو ٹیموں کے شانہ بشانہ کھڑے ہیں۔
