کوئٹہ: عدالت نے تین معصوم بچوں کو گلا کاٹ کر قتل کرنے کا جرم ثابت ہونے پر مجرم کو تین بار سزائے موت سنا دی۔
سیشن جج سریاب نجیب اللہ کاکڑ نے بیانات اور گواہوں کی روشنی میں مجرم محمد اقبال کو سزا سنائی۔ مجرم نے ایک بچی کو زخمی بھی کیا تھا جس کے خلاف اسے 10 سال قید اور مجموعی طور پر 15 لاکھ 50 ہزار جرمانے کی بھی سزا سنائی گئی۔
محمد اقبال کو مقدمہ میں دفعہ 337 ایف کے تحت 3 سال قید اور 50 ہزار جرمانے کی سزا سنا دی گئی۔ مجرم نے 2021 میں چار معصوم بہن بھائیوں کو ان کے گھر میں قتل اور زخمی کیا تھا۔
- Advertisement -
گلے کاٹے جانے کے باعث تین معصوم بچے زین اللہ، اقصی بی بی اور محمد حسنین جاں بحق ہوئے تھے جبکہ ایک بچی کشمالہ بی بی زخمی ہوئی تھی۔
مقتول بچوں کی ماں نرگس کو بھی ایک سال بعد مجرم نے قتل کیا تھا جس پر عدالت کی جانب سے سزائے موت سنا دی گئی تھی۔
