محکمہ موسمیات نے شہر قائد میں آج سے یکم جولائی تک گرج چمک کے ساتھ بارش کی پیش گوئی کرتے ہوئے کہا ہے کہ سندھ کے دیگر شہروں میں بھی تیزہوائیں چلنے اور بارش کا امکان ہے۔
اے آر وائی نیوز کے مطابق محکمہ موسمیات کے بیان میں کہا گیا ہے کہ کراچی، حیدرآباد، جامشورو، شہید بینظیرآباد میں بارشوں کا امکان ہے۔
اس کے علاوہ مٹھی، عمرکوٹ، میرپورخاص، سانگھڑ، ٹنڈوالٰہ یار، بدین، نوشہروفیروز، خیرپور، دادو، سکھر، جیکب آباد، کشمور اور لاڑکانہ میں بھی بارشوں کا امکان ہے۔
یاد رہے پی ڈی ایم اے نے مون سون بارشوں سے متعلق ایڈوائزری جاری کردی ہے، جس میں کہا ہے کہ جولائی کے پہلے ہفتے سے مون سون بارشوں کاسلسلہ شروع ہونے کا امکان ہے۔
پی آئی اے کا ایک اور فضائی میزبان ٹورنٹو میں لاپتہ
پی ڈی ایم اے کا کہنا تھا کہ شہر قائد سمیت سندھ کے کچھ اضلاع میں معمول سے زیادہ بارشیں متوقع ہیں، جولائی کے پہلے ہفتے 30 سے 50 ملی میٹر، دوسرے ہفتے میں 35 سے 75 ملی میٹر، تیسرے ہفتے میں 25 سے 35 ملی میٹر اور چوتھے ہفتے میں 45 سے 75 ملی میٹر بارش ہوسکتی ہیں۔
