اسلام آباد : حکومت ہاتھ کرگئی ،عوام کو پانچ ارب روپےکےریلیف سےمحروم کردیا گیا۔پیٹرولیم مصنوعات پر عوام سےفی لیٹر لئے جانے والےسیلز ٹیکس کی شرح سترہ سےبڑھاکر بائیس فیصدکردی۔
تفصیلات کے مطابق عوام کےووٹوں سےمنتخب حکومت پیٹرولیم مصنوعات کی گرتی قیمت کےباعث عوام کو ملنےوالےریلیف کےخود ہی آڑے آگئی ہے۔حکومت نےپیٹرولیم مصنوعات پرسیلز ٹیکس کی شرح اچانک ہی سترہ سےبڑھاکر 22فیصدکردی ہےجس کےنتیجےمیں عوام پانچ ارب روپےکےریلیف سےمحروم ہوجائیں گے۔
وزارت خزانہ کی ہدایت پر ایف بی آر نے اس اضافےکا فوری نوٹیفکیشن بھی جاری کردیا ہے۔ نوٹیفکیشن کے مطابق یکم جنوری 2015 سے پیٹرول،ہائی اسپیڈ ڈیزل، لائٹ ڈیزل، مٹی کےتیل اور ایچ او بی سی پر سترہ کی بجائےبائیس فیصد ٹیکس وصول کیاجائیگا۔
جی ایس ٹی میں اضافےکا مقصد تیل کی گرتی قیمت کےباعث اس پرعائد ٹیکس میں آنےوالی کمی کو عوام کی جیبوں سےوصول کرنا ہے۔اس فیصلےکےتحت حکومت آئندہ چھ ماہ کےدوران عوام پر تیس ارب روپےکا اضافی بوجھ ڈالےگی۔
