بجلی کے بنیادی ٹیرف میں اضافے کی حکومتی درخواست پر کل ہونے والی سماعت ملتوی ہو گئی۔ نیپرا نے 8 جولائی کو شیڈول درخواست ملتوی کر دی جو اب 10جولائی کو ہو گی۔
وفاقی کابینہ نے بجلی کے بنیادی ٹیرف میں فی یونٹ 7 روپے 12 پیسے تک اضافہ منظور کیا تھا۔ کابینہ کی منظوری کے بعد بجلی کے بنیادی ٹیرف میں اضافےکا فیصلہ نیپرا میں جمع کرایا گیا تھا۔
پاور ڈویژن نے یکساں ٹیرف کےلیے درخواست نیپرا میں دائر کی تھی۔ وفاقی حکومت کی درخواست پر نیپرا نے 8 جولائی کو سماعت کافیصلہ کیاتھا۔
- Advertisement -
نیپرا یکساں ٹیرف کیلئے حکومتی درخواست پر اب 10جولائی کو سماعت کرےگا۔ نیپرا کی توثیق کے بعد وفاقی حکومت بجلی کے بنیادی ٹیرف کا نوٹیفکیشن جاری کرےگی۔
بجلی کے بنیادی ٹیرف میں اضافے کا اطلاق یکم جولائی 2024سے کرنے کی تجویز ہے۔
