کراچی: پاکستان اسٹاک ایکسچینج کی عمارت میں اچانک آگ بھڑک اُٹھی۔
اے آر وائی نیوز کے مطابق آگ پاکستان اسٹاک ایکسچینج کی عمارت کی چوتھی منزل پر لگی ہے، ریسکیو 1122 کی ٹیم بھی فائربریگیڈ عملے کے ساتھ آگ بجھانے میں مصروف رہی۔
آگ لگنے کے باعث پاکستان اسٹاک مارکیٹ میں ٹریڈنگ روک دی گئی ہے، 100 انڈیکس میں 28 پوائنٹس اضافے سے 80240 پوائنٹس پر بند ہے۔
فائر آفیسر کے مطابق پاکستان اسٹاک ایکسچینج میں لگنے والی آگ 2 گھنٹے میں بجھادی گئی، عمارت کا ایک ہال مکمل طور پر جل گیا ہے جبکہ عمارت میں فائر سسٹم کی وجہ سے آگ پر قابو پانے میں مدد ملی۔
کراچی میں سی ٹی ڈی افسر علی رضا قاتلانہ حملے میں شہید
اطلاعات کے مطابق پاکستان اسٹاک ایکسچینج کی عمارت میں لگنے والی آگ کی کوریج کے لئے پہنچنے والے صحافیوں کو اسٹاک ایکسچینج عملے اور سیکورٹی گارڈز نے کوریج سے روک دیا ہے۔ جبکہ عملے نے کوریج کے لئے آنے والے صحافیوں کو تشدد کا نشانہ بھی بنایا۔
