اسلام آباد: وفاقی وزیر خزانہ محمد اورنگزیب نے کے الیکٹرک کو سستی بجلی منصوبے تیز کرنے کی ہدایت کردی۔
اے آر وائی نیوز کے مطابق وفاقی وزیر خزانہ محمد اورنگزیب سے کے الیکٹرک کے وفد کی ملاقات ہوئی جس میں حکومت اور کے الیکٹرک کے درمیان معاہدوں پر گفتگو کی گئی۔
وزیر خزانہ نے کے الیکٹرک وفد سے کہا کہ سستی پیداواری صلاحیت میں اضافے کے لیے منصوبے تیز کریں۔
محمد اورنگزیب نے کہا کہ بلوں کی ادائیگیوں میں تاخیر کا معاملہ حل کیا جائے گا، کے الیکٹرک کراچی میں سروس ڈیلیوری بہتر بنانے پر توجہ دے۔
دوسری جانب سی ای او کے الیکٹرک مونس علوی نے کہا کہ معاہدوں نے کئی مسائل کو حل کیا تھا، کے الیکٹرک اب بجلی مکس کو بہتر بنانے کے لیے کوشاں ہے۔
کے الیکٹرک وفد نے کہا کہ جدید منصوبوں پر تیزی سے کام کررہے ہیں۔
علاوہ ازیں کے الیکٹرک وفد نے پوسٹ آفس کے ذریعے بلوں کی تاخیر کا مسئلہ بھی اٹھایا۔
