دنیا میں زیرو ویسٹ لائف اسٹائل کا رجحان تیزی سے بڑھ رہا ہے، یہ آلودگی کم کرنے کی ایک بہترین حکمت عملی ہے، یعنی زیرو ویسٹ لائف اسٹائل سے ہم آلودگی کی وجوہ پر قابو پا سکتے ہیں۔
اس کے اصولوں کو اپنانے کا اہم جزو یہ ہے کہ کوڑے دان میں کچرے کی مقدار نہ ہونے کے برابر ہو۔
پاکستان میں روزانہ 71 ہزار سے زائد ٹن کچرا جمع ہو جاتا ہے اور یہ تعداد روز بروز بڑھتی جا رہی ہے، اس وقت سب سے اہم کردار ہم سب کا بہ حیثیتِ قوم انفرادی ذمہ داری کے طور پر ہے، اور سب کو اپنے اپنے حصے کا کردار ادا کرتے ہوئے بڑھتی ہوئی آلودگی پر قابو پانا ہے۔
اگر ہم زیرو ویسٹ لائف اسٹائل کو اپنا لیں تو گندگی اور آلودگی سے جلد ہی مکمل چھٹکارا پا لیں گے، زیرو ویسٹ لائف اسٹائل کو اپنانے کے لیے ہمیں ریفیوز، ری ریوز، ری ڈیوس، ری سائیکل اور روٹ کے اصولوں پر عمل درآمد کرنے کی ضرورت ہے۔
اپنی روز مرہ زندگی سے غیر ضروری اشیا کا استعمال بالکل محدود کر دیں، پلاسٹک بیگز کی بہ جائے پیپر بیگز استعمال کریں، جب کہ اضافی کپڑے اور غیر ضروری پلاسٹک سے بنی اشیا بالکل استعمال نہ کریں۔
پرانی چیزوں کو پھینکنے کی بہ جائے دوبارہ قابلِ استعمال بنائیں اور کھانے کی بچی اشیا سے کھاد بنانے کے رحجان کو فروغ دیں، بہ حیثیتِ قوم ہمیں چاہیے کہ زیرو ویسٹ لائف اسٹائل اپنا کر صاف ستھرے معاشرے کی تشکیل میں اپنا کردار ادا کریں۔
