بالی ووڈ کے کنگ شاہ رخ خان نے پہلی بار مداحوں کو اپنی روز مرہ کی روٹین کے بارے میں بتا کر حیران کردیا۔
حال ہی میں بالی ووڈ اداکار شاہ رخ خان نے ’ دی گارڈین‘ کو دیئے گئے انٹرویو میں اپنی نجی زندگی سے متعلق گفتگو کی۔
بالی ووڈ اسٹار شاہ رخ خان نے اپنی روز مرہ کی روٹین کے بارے میں کہا کہ میں صبح 5 بجے سوتا ہوں اور اگر میری فلم کی شوٹنگ چل رہی ہو تو میں صبح 9 یا 10 بجے اُٹھ جاتا ہوں۔
اداکار نے کہا کہ میں فلم کی شوٹنگ کے دنوں میں رات کے 2 بجے گھر آتا ہوں، گھر آنے کے بعد 30 منٹ تک ورزش کرتا ہوں اور پورے دن میں صرف ایک وقت کا کھانا کھاتا ہوں۔
شاہ رخ خان نے فلمی کیریئر سے برک لینے سے متعلق بات کرتے ہوئے کہا کہ میری عُمر 50 سال سے زیادہ ہوگئی ہے اور اس عُمر میں مجھے اپنے کام سے طویل چھٹی کی ضرورت تھی تاکہ میں مستقبل میں بہتر طریقے سے کام کرسکوں۔
بالی ووڈ اداکار نے کہا کہ کورونا وائرس کی وبا کے بعد میں بھی دیگر لوگوں کی طرح فارغ تھا تو اس دوران میں نے سب کو مشورہ دیا کہ وہ اٹالین پکوان سیکھں اور ورزش کریں، اس دوران میں بھی اپنی ورزش پر زیادہ توجہ دیتا تھا اور ان ہی دنوں میں میری باڈی بھی بن گئی تھی۔
شاہ رخ خان کا کہنا تھا کہ کسی بھی بڑے اسٹار کے لیے فلمی دنیا سے 5 سال کا بریک لینا ایک بڑا بات ہوتی ہے اس عرصے میں مداحوں نے مجھے بہت یاد کیا اور مداحوں کی یاد مجھے فلمی دُنیا میں واپس کھینچ لائی ہے۔
شاہ رخ خان نے اپنی اگلی فلم ’کنگ‘ کے بارے میں بات کرتے ہوئے کہا کہ میرے دفتر کے ایک ملازم نے مجھے فلم کا موضوع دیا، اب مجھے فلم کی شوٹنگ کا آغاز کرنا ہے، فلم کے لیے اپنا وزن کم کرنا ہے ساتھ ہی اپنی ظاہری شخصیت پر بھی خاصی توجہ دینی ہے۔
واضح رہے کہ فلم ”کنگ“میں شاہ رخ خان کے ہمراہ اُن کی بیٹی اداکارہ سہانا خان بھی جلوہ گر ہوں جبکہ فلم میں ابھشیک بچن منفی کردارادا کریں گے۔
