اسلام آباد : مسلم لیگ ن کے صدر نواز شریف آج قومی اسمبلی اجلاس میں شرکت کے لئے اسلام آباد آئیں گے یا نہیں ؟ ذاتی اسٹاف نے لاعلمی کا اظہار کرتے ہوئے کہا روانگی کا ابھی تک شیڈول نہیں ملا۔
تفصیلات کے مطابق مسلم لیگ ن کے صدر نوازشریف جاتی امرامیں اپنی رہائش گاہ پرموجود ہے ، ذرائع اسٹاف نے بتایا کہ ان کی اسلام آباد روانگی کا ابھی تک شیڈول نہیں ملا، عموماًصبح کہیں سفرکرنا ہو تو رات کو ہی شیڈول بتا دیا جاتا ہے۔
ذاتی اسٹاف کا کہنا تھا کہ ن لیگی صدر آج اسلام آباد جائیں گے یا نہیں کچھ نہیں کہہ سکتے ، اسلام آباد جانے کا حکم ملا تو تیاری میں زیادہ وقت نہیں لگےگا۔
مزید پڑھیں : نواز شریف آئینی ترمیم پرشہباز شریف کی حکمت عملی سے نالاں
خیال رہے مسلم لیگ ن کے صدر کی جانب سے آئینی ترامیم سے متعلق مشاورتی عمل سے عدم دلچسپی کا اظہار کیا جارہا ہے، وہ آئینی ترمیم پرشہباز شریف کی حکمت عملی سے نالاں ہے۔
،ذرائع ن لیگ کا کہناتھا کہ نواز شریف قومی اسمبلی کے اجلاس میں شرکت کے لیے آئے تھے، انھوں صدر زرداری سے ملاقات کی نہ مولانا فضل الرحمان سے ملے،وزیر اعظم کی کوشش کےباوجودنوازشریف نے مولانا سے ملنے سے انکارکیا۔
ن لیگی صدر نے شہباز شریف سے مکالمے میں کہا کہ ترمیم پر پہلے ہی مولانا کواعتمادمیں لینا چایئے تھا۔
واضح رہے کہ قومی اسمبلی کا اجلاس آج دن ساڑھے 12 بجے تک کے لیے ملتوی کردیا گیا ہے اور ایوان میں مجوزہ آئینی ترامیم ایوان میں پیش نہ ہوسکیں۔
