ممبئی: بھارت کے اسٹار جیولن تھرور نیرج چوپڑا نے ڈائمنڈ لیگ کے فائنل سے متعلق اہم انکشاف کیا ہے۔
رپورٹس کے مطابق اسٹار جیولن تھرور ڈائمنڈ لیگ کے فائنل میں صرف 1 سینٹی میٹر سے تمغہ جیتنے سے محروم ہوگئے تھے، وہ 87.86 میٹر کی بہترین تھرو کے ساتھ دوسرا نمبر حاصل کرنے میں کامیاب ہوئے تھے، جبکہ اینڈرسن پیٹرز نے 87.87 کے بہترین تھرو ساتھ پہلا نمبر حاصل کیا تھا۔
نیرج چوپڑا نے ڈائمنڈ لیگ کے فائنل میں دوسرے نمبر پر آنے کے بعد سوشل میڈیا پر اس حوالے سے لب کشائی کہ انھوں نے بائیں ہاتھ میں فریکچر کے ساتھ ڈائمنڈ لیگ کھیلا تھا، جیسے ہی 2024 کا سیزن ختم ہو رہا ہے، میں سال بھر میں سیکھی گئی بہترین چیزوں اور اپنی ناکامیوں پر نظر ثانی کررہا ہوں۔
چوپڑا نے بتایا کہ میں نے ٹریننگ کے دوران خود کو زخمی کرلیا تھا، ایکسرے کروایا تو معلوم ہوا کہ میرے بائیں ہاتھ میں چوتھے میٹا کارپل میں فریکچر ہے۔ یہ میرے لیے ایک اور تکلیف دہ چیلنج تھا۔
چوپڑا کی 2024 کی مایوس کن مہم کا برسلز میں ڈائمنڈ لیگ کے فائنل نے خاتمہ کر دیا، جس میں وہ پیرس اولمپکس 2024 میں دوسرے نمبر پر رہے۔
پاکستان کی سلیمہ امتیاز آئی سی سی انٹرنیشنل پینل آف ڈیولپمنٹ امپائرز میں نامزد
چوپڑا نے اپنی پوسٹ میں یہ بھی لکھا کہ یہ رواں سال کا آخری مقابلہ تھا اور میں اپنے سیزن کو اچھی یادوں کے ساتھ ختم کرنا چاہتا تھا۔ اگرچہ میں اپنی توقعات پر پورا نہیں اتر سکا، لیکن مجھے لگتا ہے کہ یہ ایک ایسا موسم تھا جس میں میں نے بہت کچھ سیکھا۔
