پاکستان تحریک انصاف (پی ٹی آئی) رہنما رؤف حسن کے جبران الیاس کے ساتھ واٹس ایپ پیغامات سامنے آگئے، جبران الیاس کا ریاست مخالف بیانیہ بے نقاب ہو گیا۔
سیکیورٹی ذرائع کے مطابق جبران الیاس بیرون ملک سے پی ٹی آئی کا ریاست مخالف بیانیہ چلارہاہے، رؤف حسن کے ساتھ واٹس ایپ پیغامات نے اس سازش کا پول کھول دیا۔
سیکیورٹی ذرائع کا کہنا تھا کہ 9 مئی کا سال مکمل ہونے پر پروپیگنڈا پھیلانے کیلئے جبران الیاس نے ہدایات دیں، جبران الیاس نے دسمبر 2023 سے مئی 2024 تک رؤف حسن کو تصاویر، ویڈیوز بھیجیں۔
سیکیورٹی ذرائع کے مطابق جبران الیاس نے پروپیگنڈے کیلئے 9 مئی سے متعلقہ فتنہ پھیلانے والی ویڈیوز بھیجیں، جبران الیاس نے ججز کے ریمارکس بھی پروپیگنڈے کیلئے شیئر کئے، جبران نے پروپیگنڈے کیلئے رؤف حسن کو واٹس ایپ پر ہدایات دیں۔
سیکیورٹی ذرائع کا مزید کہنا ہے کہ جبران الیاس نے پروپیگنڈے پر مشتمل ہیش ٹیگ چلانے والوں کو سراہا، جبران الیاس نے 14مئی کو رؤف حسن سے پروپیگنڈے کیلئے تنخواہ کا تقاضا کیا۔
