بھارتی بیٹر ویرات کوہلی نے سوشل میڈیا پلیٹ فارم ایکس پر صرف ایک لفظ کی پوسٹ شیئر کرتے ہوئے مداحوں کو تشویش میں مبتلا کردیا ہے۔
بنگلہ دیش کے خلاف ٹیسٹ میچ کے آغاز سے ایک دن قبل ویرات کوہلی کی مبہم پوسٹ بھارتی میڈیا اور سوشل میڈیا میں موضوع بحث بن گئی ہے، اسٹار بیٹر نے بدھ کی صبح ایک ایک الفاظ پر مشتمل کئی پوسٹس کیں جن میں رحمدلی، بہادری اور عزت کرنے پر زور دیا گیا۔
انھوں نے ایکس پر شیئر کی گئی اپنی پہلی پوسٹ میں انگریزی کا لفظ ’ kindness‘ لکھا جس کا مطلب رحمدلی ہوتا ہے، بعدازاں انھوں نے اپنی دوسری پوسٹ میں لفظ ’ chivalry‘ کا استعمال کیا مطلب بہادری ہوتا ہے۔
اس کے بعد ویرات کوہلی نے ایک لفظ پر مشتمل ایک اور پوسٹ کی جس میں انھوں نے ’ respect‘ لکھا جس کا عزت ہوتا ہے، ایک لفظ پر مشتمل تین الگ الگ پوسٹوں نے بیٹر کے مداحو کو حیران و پریشان کردیا ہے۔
مداح تشویش میں مبتلا ہیں کہ کوہلی کی پروفیشنل اور ذاتی زندگی میں سب کچھ ٹھیک ہے یا نہیں اور انھوں نے اس طرح کی پوسٹیں کیوں کی ہیں۔
خیال رہے کہ عمومی طور پر ویرات کوہلی سوشل میڈیا پر پوسٹس کرنے سے گریز کرتے ہیں اور اگر پوسٹ بھی کرنا ہوتو کوئی اشتہاری ویڈیوز ہوتی ہیں، تاہم یہ پوسٹس بالکل الگ ہیں۔
اسی سال فروری میں ویرات کوہلی اور انوشکا شرما کے ہاں بیٹے اکے کی پیدائش بھی ہوئی تھی جس کا اعلان انھوں نے پانچ دنوں بعد کیا تھا اور یہ کوہلی کی اس سے قبل آخری ذاتی نوعیت کی ٹوئٹ تھی۔
