کراچی : کے الیکٹرک نارتھ ناظم آباد کے شکایتی مرکز پر احتجاج کےدوران بچوں کے دھاوے کا مقدمہ درج کرلیا گیا، ،مدعی مقدمے نے کہا ملزمان کو سامنے آنے پر شناخت کرسکتا ہوں۔
تفصیلات کے مطابق کراچی کے علاقے نارتھ ناظم آباد میں کے الیکٹرک شکایتی مرکز پر بچوں کے دھاوے کے واقعے کا مقدمہ کےالیکٹرک ملازم راشدکی مدعیت میں تیموریہ تھانے میں درج کرلیا گیا۔
مدعی مقدمے نے بتایا کہ میں کے الیکٹرک نارتھ ناظم آبادمیں ملازم ہوں، دیگراسٹاف کےساتھ سیکنڈشفٹ میں ڈیوٹی پرموجودتھا کہ ڈینٹل کالج فیڈر سے 35 کے قریب افراد احتجاج کرتے ہوئے آئے، احتجاج کرنےوالوں میں نوجوان بچےاور3خواتین شامل تھیں۔
مدعی راشد کا کہنا تھا کہ احتجاج کے دوران اسٹاف کی موٹرسائیکلوں کی توڑپھوڑکی، اسٹاف کی موٹر سائیکلوں کی توڑپھوڑکی اور میری موٹرسائیکل کو دفتر کے سامنے ہی آگ لگادی جبکہ ساتھ موجود دیگر موٹر سائیکلوں کو جزوی نقصان پہنچا۔
مدعی مقدمے نے کہا کہ محکمےکی مشاورت کےبعدمقدمہ درج کروانےآیاہوں، ملزمان کوسامنےآنےپرشناخت کر سکتا ہوں، ملوث عناصرکےخلاف کارروائی کی جائے۔
