کراچی: سی ٹی ڈی سندھ کراچی کی جانب سے یوسف گوٹھ کیماڑی میں انٹیلی جنس بیسڈ آپریشن کیا گیا، اس دوران ملزم کو بھاری اسلحہ منتقل کرتے ہوئے حراست میں لے لیا گیا۔
اے آر وائی نیوز کے مطابق ترجمان سی ٹی ڈی نے بتایا کہ ملزم عرفان غیرقانونی اسلحہ منتقل کرتے ہوئے گرفتار کرلیا ہے۔ ملزم کے کٹ بیگ سے 5 شارٹ گن، 3 رائفل، 2 پستول برآمد کئے گئے ہیں۔
ترجمان نے بتایا کہ ملزم سے مزید اسلحہ کی برآمدگی کیلئے لانڈھی، قائدآباد میں ٹیمیں روانہ کردی گئی ہیں، ملزم نے اسلحہ نجی سیکیورٹی کمپنی سے چرایا تھا، جس کا مقدمہ تھانہ گذری میں درج ہے۔
ملزم کا تعلق صوبہ کے پی کے سے ہے جبکہ کراچی میں مختلف سیکیورٹی کمپنیوں میں بطور گارڈ ملازمت کر چکا ہے۔
سی ٹی ڈی کا انٹیلی جنس بیسڈ آپریشن، 5 دہشت گرد گرفتار
ترجمان کا مزید کہنا تھا کہ ملزم کیخلاف تھانہ سی ٹی ڈی کراچی میں غیرقانونی اسلحہ کی دفعات پر مقدمہ درج کرلیا گیا ہے، گرفتاری کی اطلاع متعلقہ تھانہ جات میں دے دی گئی ہے۔
