کراچی : سرکاری ملازمین کو بڑی سہولت فراہم کرنے کے لئے معاہدہ طے پاگیا ، جس کے تحت ملک کے 175 اسپتالوں سے ملازمین علاج کروا سکیں گے۔
تفصیلات کے مطابق سندھ سیکریٹریٹ کے ملازمین اور ان کے لواحقین کے لئے ہیلتھ انشورنس کا معاہدہ طے ہوگیا، سندھ حکومت اور اسٹیٹ لائف انشورنس کے معاہدہ طے پایا۔
سندھ حکومت کی جانب سے سیکریٹری جنرل ایڈمنسٹریشن اور اسٹیٹ لائف انشورنس کی جانب ایگزیکٹیو ڈائریکٹر نے معاہدے پر دستخط کئے۔
- Advertisement -
معاہدے کے تحت سیکریٹریٹ ، وزیراعلیٰ ہاوس اور سندھ اسمبلی ملازمین کو یہ سہولت حاصل ہوگی۔
سیکریٹری جنرل ایڈمنسٹریشن سہیل قریشی نے بتایا کہ علاج کی مد میں خاندان کے ہر فرد کے لئے 7 لاکھ روپے کی پالیسی ہوگی، پالیسی کے تحت ملک کے 175 ہسپتالوں سے ملازمین علاج کروا سکیں گے۔
