سمندری طوفان ہیلن کے باعث امریکا کی 5 ریاستوں میں تیز ہواؤں اور بارشوں سے پیش آنے والے حادثات میں 90 افراد ہلاک ہوگئے۔
بین الاقوامی خبر رساں ادارے کی رپورٹ کے مطابق امریکا کی ریاست فلوریڈا، جارجیا، ورجینیا، ساؤتھ اورنارتھ کیرولائنا میں طوفان کے باعث کئی سڑکیں اور پل تباہ جبکہ لاکھوں افراد کو بجلی سے محرومی کا سامنا ہے۔
رپورٹس کے مطابق امریکی نے مزید ہلاکتوں کا خدشہ ظاہر کرتے ہوئے کہا ہے کہ تیز ہواؤں اور بارشوں سے پیش آنے والے حادثات میں اب تک 90 افراد زندگی کی بازی ہار چکے ہیں۔
حکام کا کہنا ہے کہ طوفانی ہواؤں کے باعث کئی علاقوں میں سیل فون ٹاور گر گئے، مواصلاتی نظام متاثر ہونے سے لوگوں کا ایک دوسرے سے رابطہ منقطع ہو گیا ہے۔
حکام کے مطابق طوفان سے پانچوں ریاستوں میں اب تک ہونے والے نقصان کا تخمینہ 15 سے 100 بلین ڈالرز کے درمیان ہو سکتا ہے، متاثرہ علاقوں میں امدادی سرگرمیاں جاری ہیں۔
اس سے قبل چین کے شہر شنگھائی میں طاقتور ترین سمندری طوفان نے تباہی مچادی تھی، جس کے باعث لاکھوں افراد کو محفوظ مقامات پر منتقل ہونا پڑا۔
رپورٹ کے مطابق 151 کلومیٹر فی گھنٹہ کی رفتار سے چلنے والی طوفانی ہواؤں سے درخت، عمارتوں کی کھڑکیاں اور اشتہاری بورڈز اُڑگئے۔
تیز رفتار طوفانی ہواؤں کے سبب سڑک پر چلتا ٹرک بھی اُلٹ گیا، راہ گیروں نے درختوں اور کھمبوں کا سہارا لے کر اپنے آپ کو محفوظ کیا۔
بھارت، گجرات میں تاریخی مسجد اور درگاہ مسمار
چین کے شہر شنگھائی میں طوفان کے باعث 4 لاکھ سے زیادہ افراد کو نقل مکانی کرنا پڑی جبکہ 14 سو پروازیں منسوخ کردی گئیں، متاثرہ علاقوں میں 12 انچ تک بارش ریکارڈ کی گئی تھی۔
