بنگلہ کرکٹ ٹیم کے سابق کپتان مشرفی مرتضیٰ کی مشکلات میں مزید اضافہ ہوگیا ہے اور انہیں ایک اور مقدمے میں نامزد کر دیا گیا ہے۔
غیر ملکی میڈیا کے مطابق مشرفی مرتضیٰ کے خلاف مالی بدعنوانیوں کے تحت مقدمہ دائر کیا گیا ہے جس میں ان پر غیر قانونی وصولیوں اور شیئرز کی زبردستی منتقلی کے الزامات عائد کیے گئے ہیں۔
اس مقدمے میں سابق کپتان کے ساتھ 6 دیگر افراد کو بھی نامزد کیا گیا ہے۔ ان پر بی پی ایل کی ٹیم سلہٹ اسٹرائیکرز کی غیر قانونی وصولیوں اور شیئرز کی منتقلی کا الزام ہے۔
بنگلا دیشی میڈیا کا کہنا ہے کہ اس کیس میں ابھی کوئی گرفتاری عمل میں نہیں آئی تاہم تفتیش شروع کر دی گئی ہے۔
مشرفی مرتضیٰ نے کرکٹ سے ریٹائرمنٹ کے بعد سیاست میں قدم رکھا اور 2018 میں شیخ حسینہ واجد کی عوامی لیگ میں شمولیت اختیار کی جس کے بعد وہ رکنِ پارلیمنٹ منتخب ہوئے تھے۔
واضح رہے کہ مشرفی مرتضیٰ حسینہ واجد کی 16 سالہ حکومت کے زوال کا سبب بننے والی حالیہ طلبہ احتجاجی تحریک کے دوران طالب علموں پر حملے کے کیس میں بھی نامزد ہیں۔ ان کے ایک اور ٹیم میٹ شکیب الحسن کو بھی قتل کے ایک مقدمے میں نامزد کیا جا چکا ہے۔
سچن ٹنڈولکر کا کرکٹ میں واپسی کا فیصلہ، جلد ایکشن میں دکھائی دیں گے
