متحدہ عرب امارات نے اسرائیلی جارحیت کا شکار غزہ کی پٹی کے مظلوم فلسطینیوں کو پینے کا صاف پانی فراہم کرنے کا بیڑا اٹھایا ہے۔
غیر ملکی میڈیا کے مطابق آپریشن ‘الفارس الشهم 3’ کی ٹیم نے خان یونس میں بے گھر افراد کے جمع ہونے والے طبی مقامات اور علاقوں میں پینے کا صاف پانی تقسیم کیا جس کا مقصد مریضوں کی مشکلات کو کم کرنا اور طبی مراکز کی مدد کرنا ہے۔
آپریشن کی رضاکار ٹیموں نے غزہ کے رہائشیوں کو درپیش چیلنجوں کے درمیان پانی کے حصول میں مشکلات کو کم کرنے کے لئے میڈیکل پوائنٹس کو پانی کے ٹینک بھی فراہم کیے۔
واضح رہے کہ متحدہ عرب امارات کی حکومت غزہ کی پٹی کے رہائشیوں کو درپیش انسانی چیلنجوں پر قابو پانے میں برادر فلسطینی عوام کی حمایت جاری رکھے ہوئے ہے۔
یو اے ای غزہ کی پٹی میں پانی کے بحران کو مختلف منصوبوں کے ذریعے حل کرنے کے لیے کوشاں ہے اور اس سلسلے میں خان یونس اور شمالی غزہ میں پانی کی لائنوں اور نیٹ ورکس کی مرمت، پانی کے ٹینکوں کی فراہمی اور کیمپوں میں بے گھر افراد میں پینے کا صاف پانی تقسیم کرنا جیسی کوششیں شامل ہیں۔
