پاکستان کرکٹ بورڈ ( پی سی بی) نے بابر اعظم کا استعفیٰ منظور کرلیا۔
پاکستان کرکٹ بورڈ نے قومی ٹیم کے کھلاڑی بابر اعظم کا استعفیٰ منظور کرتے ہوئے کہا کہ بابر اعظم کا یہ فیصلہ بیٹنگ پر توجہ دینے کی خواہش کا اظہار کرتا ہے۔
پی سی بی نے بیان میں کہا کہ بابراعظم کو مکمل سپورٹ کرتے رہیں گے، انہیں پہلے بھی سپورٹ کیا اور آئندہ بھی کریں گے، کھلاڑی کے پاس پاکستان کرکٹ کو دینے کیلئے اب بھی بہت کچھ ہے۔
بابر اعظم نے کپتانی سے استعفیٰ دے دیا (arynews.tv)
پی سی بی کا کہنا تھا کہ سلیکشن کمیٹی کو وائٹ بال کیلئے نئے کپتان اور حکمت عملی بنانے کو کہہ دیا ہے جلد ہی پاکستان کرکٹ ٹیم وائٹ بال کے کپتان کا اعلان کیا جائے گا۔
اس حوالے سے بابراعظم نے کہا ہمیشہ اپنا بہترین پیش کرنے کی کوشش کی ہے، بیٹنگ پر توجہ دے کر زیادہ مؤثر کردار ادا کرسکوں گا۔
واضح رہے کہ گزشتہ روز بابر اعظم نے قومی ون ڈے ٹیم کپتان سے مستعفی ہونے کا اعلان کرتے ہوئے کہا تھا کہ وہ اپنی توجہ بیٹنگ پر مرکوز کرنا چاہتے ہیں اور فیملی کے ساتھ وقت گزارنا چاہتے ہیں اس لیے ون ڈے ٹیم کی کپتانی سے مستعفی ہو رہے ہیں۔
