لاہور: دوسری صدی کے نایاب بدھا کے مجسموں کی جاپان اسمگلنگ کی کوشش ناکام بنا دی گئی۔
تفصیلات کے مطابق کلیکٹر کسٹم لاہور ائیرپورٹ کی ہدایات پر کسٹم عملے نے جی پی او آفس میں کارروائی کرتے ہوئے مجسمیں برآمد کر لیے۔
کسٹم حکام کا کہنا ہے کہ ہمایوں مسعود نامی شخص نے جاپان کےلیے پارسل بک کرایا تھا اور اطلاع ملنے پر جی پی او کسٹم عملے نے دوران چیکنگ پارسل سے نایاب مجسمے قبضے میں لےلیے۔
- Advertisement -
ایک مجسمے کی بین الاقوامی مارکیٹ میں قیمت 85 لاکھ روپے سے زائد ہے۔ کسٹم قوانین کےتحت مجسموں کو بیرون ملک بھجوانے پر پابندی ہے۔
پنجاب آرکیالوجی ڈیپارٹمنٹ سے مجسموں کی جانچ کرانےکا فیصلہ کیا گیا ہے اور کسٹم حکام نے مجسمے قبضے میں لے کر پارسل بھجوانے والے کیخلاف کارروائی شروع کردی۔
