اسلام آباد : وفاقی دارلحکومت میں احتجاج کے دوران گرفتار افغان شرپسندوں نے انکشافات کرتے ہوئے کہا پی ٹی آئی نے 2 ہزار روپے دن کا لالچ دے کر دھرنے پر بلایا اور اور توڑ پھوڑ کا کہا۔
تفصیلات کے مطابق اسلام آباد میں احتجاج کی آڑ میں شر پسندی کرنے والے گرفتار افغان بلوائیوں کے انکشافات سامنے آئے۔
گرفتار افغان شرپسند نے بتایا کہ میرانام خیال گل ہےمیراتعلق افغانستان سےہے، پی ٹی آئی نے 2 ہزار روپے دن کا لالچ دے کر دھرنے پر بلایا اور توڑ پھوڑ کا کہا۔
خیال گل کا کہنا تھا کہ پی ٹی آئی قیادت خودبھاگ کرچلی گئی اورہمیں یہاں پولیس نےپکڑلیا، پی ٹی آئی قیادت کے بہکاوے میں آنے پر شرمندہ ہوں، نہ مجھے پیسے دیئے گئے نہ ہی وہ مجھے دوبارہ نظر آئے ہیں۔
ایک اور افغان شرپسند نے کہا کہ میرا نام مولا داد ہےاورہم تینوں دوست پشاورسےاحتجاج میں آئے، پی ٹی آئی نےہمیں پیسوں کا لالچ دیا اور املاک کونقصان پہنچانے کا کہا۔
مولا داد کا کہنا تھا کہ افغان بھائیوں سےگزارش ہےتوڑپھوڑنہ کریں اورنہ گاڑیوں کوآگ لگائیں۔
دوسرے شرپسند نے بتایا میرانام عبدالرحمن ہےاورمیں پشاورمیں مزدوری کرتاہوں، پی ٹی آئی چاہتی تھی ہم اسلام آباد جاکر وہاں دنگا فسادکریں املاک کونقصان پہنچائیں۔
