کراچی : پولیس کے ہاتھوں ایک اور شہری کے اغوا کی واردات سامنے آگئی، ملیرکالابورڈ سےشہری ایازشیخ کے اغوا میں پولیس اہلکار ملوث نکلے۔
تفصیلات کے مطابق کراچی کے علاقے ملیر کالا بورڈ سے ایاز شیخ نامی شہری کے اغوا کا واقعہ سامنے آیا، اغوا کار کراچی پولیس آفس میں تعینات پولیس اہلکار نکلے۔
ایاز شیخ نامی شہری کے اغوا کا مقدمہ سعود آباد تھانے میں مقدمہ درج کرلیا گیا، جس کے بعد مغوی کی رہائی کے لیے پولیس کاشاہ لطیف کےعلاقےمیں چھاپہ مارا اور اس دوران 3 پولیس اہلکاروں سمیت 5 ملزمان کو حراست میں لے لیا۔
پولیس کا کہنا تھا کہ ملزمان سےاسلحہ اوراغوامیں استعمال کاربھی برآمد کرلی گئی ، ملزمان میں ہیڈکانسٹیبل عاطف،کانسٹیبل امان شاہ اورکُک عظمت اللہ ، پرائیویٹ افرادغفران اورنوید شامل ہیں۔
حکام نے کہا کہ ملزمان نے نیلے رنگ کی گاڑی میں ایاز شیخ نامی شہری کو اغوا کیا تھا اور لین دین کے تنازع پر اغوا کے بعد شہری کو شاہ لطیف لے جایا گیا۔
