کراچی : ایم کیو ایم کی رکن قومی اسمبلی رعنا انصار کا جواں سال بیٹے کی ٹریفک حادثے میں موت کے واقعے کی سی سی ٹی وی سامنے آگئی۔
تفصیلات کے مطابق کراچی کے کلفٹن انڈرپاس میں کار حادثے کا شکار ہوگئی، جس میں ایم کیو ایم کی رکن قومی اسمبلی رعنا انصار کا جواں سال بیٹا شاہ زیب نقوی جاں بحق ہوا۔
حادثے کی سی سی ٹی وی بھی سامنے آگئی، حادثے کی سی سی ٹی وی میں گاڑی کو انڈرپاس سے نکلتے وقت پلٹتے ہوئے دیکھا جاسکتا ہے، حادثے کے وقت گاڑی انتہائی تیز رفتاری سے آرہی تھی۔
تئیس سال کا شاہ زیب ایم کیو ایم کی رکن قومی اسمبلی کا سب سے چھوٹا بیٹا تھا جبکہ ان کے شوہر اور صحافی انصار نقوی بھی طیارہ حادثے میں جاں بحق ہوگئے تھے۔
صدر آصف زرداری ،وزیراعظم شہباز شریف ،وزیر داخلہ محسن نقوی نے رعنا انصار سے اظہار تعزیت کرتے ہوئے مرحوم کے لیے دعائے مغفرت کی۔
گورنرسندھ نے کہا شاہ زیب کےانتقال پر دکھ ہوا،غم کی گھڑی میں آپ کےساتھ ہیں۔
