کراچی : کراچی سے لاہور ٹرین میں سفر کرنے والے نوجوان مسافروں پر کینٹ اسٹیشن میں عملے کے تشدد کی ویڈیو سامنے آگئی۔
تفصیلات کے مطابق کینٹ اسٹیشن پرعملے نے نوجوان مسافروں پر تشدد کرتے ہوئے اس کا موبائل فون توڑدیا۔
کینٹ اسٹیشن عملے کی نوجوان مسافروں پر تشدد کی ویڈیو اور مؤقف سامنے آگیا، کراچی سے گذشتہ روز چلنے والی ٹرین روہڑی تک کئی مرتبہ خرابی کا شکار بھی ہوئی۔
متاثرہ فیملی نے بتایا کہ ہم رشتے داوں کے فنکشن میں پاک بزنس سے لاہور جارہے تھے، ٹرین کو چار بجے چلنا تھا لیکن مستقل لیٹ ہوتی رہی، ساڑھے آٹھ بجے کاونٹر پر جاکر پوچھا تو ہم پر تشدد شروع کردیا، موبائل چھیننے کی کوشش کی اور تھپڑ مارے گئے۔
متاثرہ فیملی کا کہنا تھا کہ رات 9 بجے ٹرین کراچی سے روانہ ہوئی،رات کو 12 بجے تک ٹرین حیدرآباد پہنچی تھی پھر حیدرآباد میں تین سے چار ٹرینیں بائے پاس کروائی گئی۔
فیملی نے کہا ٹرین جب چلی تو پہلے بریک کے پریشر لیک ہوگئے،اس کے بعد دوبارہ چلی تو انجن میں مسئلہ ہوگیا ، کئی گھنٹے سے روہڑی اسٹیشن پرموجود ہیں، کراچی میں بھی ہمارے ساتھیوں پر دھاوا بولا گیا، موبائل چھینے گئے۔
