امریکا میں مقیم درجنوں بھارتیوں کو ملک کو بدر کر دیا گیا ہے یہ وہ بھارتی ہیں جو غیر قانونی طور پر امریکا میں مقیم تھے۔
غیر ملکی میڈی اکے مطابق امریکا کے محکمہ ہوم لینڈ سیکیورٹی نے کہا ہے کہ غیر قانونی طور پر مقیم بھارتی شہریوں کو چارٹرڈ پروازوں کے ذریعے ملک بدر کر دیا گیا ہے۔
ہوم لینڈ سیکیورٹی کی ڈپٹی سیکریٹری کرسٹی اے کینیگالو نے کہا کہ غیر مقیم شہریوں کو لے کر چارٹر پرواز 22 اکتوبر کو روانہ کردی گئی تھی اور کہا کہ ان بھارتی شہریوں کو ملک بدر کردیا گیا ہے جو بغیر کسی قانونی دستاویز کے رہائش پذیر تھے اور انہیں فوری طور پر بھیجا جانا تھا۔
رپورٹ میں بتایا گیا کہ جون 2024 میں نافذ ہونے والے قانون کے بعد امریکا کی سرحدوں سے غیرقانونی مداخلت میں 55 فیصد کمی آگئی ہے۔
ہوم لینڈ سیکیورٹی نے کہا کہ مالی سال 2024 کے دوران محکمے نے 145 سے زائد ملکوں کے 495 سے زائد بین الاقوامی پروازوں کے ذریعے ایک لاکھ 60 ہزار سے زائد افراد کو واپس بھیج دیا گیا ہے۔
امریکی ہوم لینڈ سیکیورٹی نے گزشتہ ایک برس کے دوران کولمبیا، ایکواڈور، پیرو، مصر، موریطانیہ، سینیگال، ازبکستان، چین اور بھارت سمیت دیگر ممالک کے شہریوں کو ملک بدر کیا ہے۔
