یورپی ملک پرتگال جانے کے خواہشمند افراد جو شینگن ویزا اپلائی کرنا چاہتے ہیں، انھیں اس کے لیے 90 یوروز کی فیس ادا کرنا ہوگی۔
ایسے پاکستانی خواتین و حضرات جنھوں نے پرتگال کا ویزا حاصل کرنے کے لیے درخواست جمع کرائے ہے، انھیں سفارتخانے کی جانب سے شینگن ویزا دینے یا نہ دینے کا فیصلہ کرنے کے لیے 15 دنوں کا وقت لیا جائے گا۔
پرتگال ایمبسی نے اپنی ویب سائٹ پر بتایا کہ انفرادی کیس کی صورت میں اگر سفارتخانے کو مزید تفصیلات درکار ہوں تو کسی صارف کو شینگن ویزا جاری کرنے کی مدت 45 دنوں تک بھی جاسکتی ہے۔
پرتگال کے شینگن ویزا کی درخواست کے لیے ایک فرد کو 90 یورو کی فیس بھی جمع کرانا ہوگی جو درخواست کی پروسیسنگ کی مد میں وصول کیا جائے گا۔
یورپ جانے کے خواہشمند افرد کے لیے یہ بات بھی جاننا ضروری ہے کہ اس وقت پاکستانی روپے کے مقابلے میں ایک یورو کی قیمت 298.2 روپے ہے جبکہ پاکستانی روپوں میں 90 یورو کی فیس تقریباً 26 ہزار 838 روپے بنتے ہیں۔
پرتگال کے ویزے کے لیے آخری 6 ماہ کا بینک اسٹیٹمنٹ درکار ہوگا جس میں مناسب فنڈ موجود ہونا ضروری ہے، پرتگال میں ایک دن کا خرچہ تقریباً 75 یورو ہے اس حساب سے 30 دنوں کے لیے صارف کے اکاؤنٹ میں کم از کم 2250 یوروز کے برابر رقم ہونا بھی لازمی ہے۔
