پاکستانی گلوکارہ آئمہ بیگ نے سارہ رضا کی جانب سے کی جانے والی تنقید پر ردعمل دے دیا۔
فوٹو اور ویڈیو شیئرنگ ایپ انسٹاگرام پر آئمہ بیگ نے گلوکارہ سارہ رضا خان کو جواب دیتے ہوئے لکھا کہ ’اللہ نے جس کو جتنا ٹیلنٹ دیا، بھئی ہمیں قبول ہے، باقی مجھے کوئی بتادے یہ آنٹی صاحبہ ہیں کون۔؟‘
گلوکارہ نے مزید لکھا کہ ’میں تو چھٹیاں انجوائے کروں۔‘
View this post on Instagram
واضح رہے کہ گزشتہ دنوں گلوکارہ سارہ رضا خان نے آئمہ بیگ کو تنقید کا نشانہ بناتے ہوئے کہا تھا کہ یہ آٹوٹیون پر بہت زیادہ انحصار کرتی ہے۔
اُن سے شو کے دوران سوال ہوا تھا کہ کیا انہوں نے کبھی کسی کی ناقص گائیکی کو سراہنے کا ڈرامہ کیا ہے اور کن کن ہم عصر گلوکاروں کو وہ آواز کی کمی سمجھتی ہیں۔
سارہ کا کہنا تھا کہ وہ براہ راست ان لوگوں کو بتاتی ہیں جن کے پاس آواز کی صلاحیت نہیں ہے کہ وہ موسیقی کے علاوہ دیگر چیزوں پر غور کریں۔
ان کا کہنا تھا کہ ”اگر ہم آٹو ٹیون کا آپشن ختم کردیں تو آئمہ بیگ گلوکارہ نہیں ہیں جبکہ انڈسٹری میں ایسے بہت سارے نام ہیں جو آٹو ٹیون پر انحصار کرتے ہیں“۔
سارہ رضا کا کہنا تھا کہ ’اگر میں فلم بنانے کی پوزیشن میں ہوتی تو میں مہوش حیات کو آئٹم سانگ کے لیے ضرور رکھ لیتی، مگر میں ان سے کبھی گانے کا نہیں کہتی۔‘
