ٹانک کے نواحی علاقے میں زمین پر گرے تار سے کرنٹ لگنے کے باعث ایک ہی خاندان کے 4 بچے جاں بحق ہوگئے۔
تفصیلات کے مطابق ٹانک میں ایک افسوسناک واقعہ پیش آیا ہے نواحی علاقہ گرہ مٹھو میں کرنٹ لگنے سے 4 بچے موقع پر جاں بحق ہوگئے۔
پولیس کا کہنا ہے کہ جاں بحق ہونے والوں میں 3 بھائی ہیں، بچوں کی عمریں 8 سے 10 سال کے درمیان ہیں جبکہ ان چاروں بچوں کا تعلق ایک ہی خاندان سے ہے۔
- Advertisement -
پولیس کا کہنا ہے کہ بچوں کو زمین پر گرے تار سے کرنٹ لگا ہے، بچے مویشی چرارہے تھے جس دوران انہیں کرنٹ لگا۔
دوسری جانب ڈپٹی کمشنر ٹانک کا کہنا ہے کہ واقعے کی مکمل تفتش کی جارہی ہے ذمہ داران کے خلاف ایکشن لیا جائے گا۔
