آسٹریلیا نے پہلے ون ڈے میں سنسنی خیز مقابلے کے بعد پاکستان کو دو وکٹوں سے ہرا دیا کپتان محمد رضوان کم بیک کا عزم کیا ہے۔
پاکستان کرکٹ ٹیم کے کپتان محمد رضوان نے میچ کے بعد گفتگو میں کہا کہ ہم نے بھرپور مقابلہ کیا، نتیجہ اللہ تعالیٰ کے ہاتھ میں ہوتا ہے۔
محمد رضوان نے پاکستانی بولرز کی تعریف کی بالخصوص حارث رؤف کی بولنگ کو شاندار قرار دیتے ہوئے کہا کہ کم ہدف کے تعاقب میں پاکستانی پیسرز نے کینگروز کو مشکل میں ڈالا۔
انہوں نے کہا کہ سیریز میں ایک صفر کا خسارہ ہوا ہے لیکن اگلے میچ میں کم بیک کریں گے۔
واضح رہے کہ میلبرن میں کھیلے گئے پہلے ون ڈے میچ میں پاکستان نے پہلے بیٹنگ کرتے ہوئے آسٹریلیا کو جیت کے لیے 204 رنز کا ہدف دیا تھا تاہم پاکستانی پیسرز نے شاندار بولنگ کا مظاہرہ کرتے ہوئے یہ معمولی ہدف بھی پہاڑ بنا دیا تھا۔
کینگروز نے 8 وکٹوں کے نقصان پر یہ ہدف حاصل کر کے سیریز میں ایک صفر کی برتری حاصل کر لی ہے۔ اس میچ میں پاکستانی بیٹرز نے بھی سست ترین بیٹنگ کی اور نصف سے زائد اوورز میڈن کھیلے۔
دوسرا میچ 8 نومبر کو ایڈیلیڈ میں جب ک تیسرا اور آخری میچ 10 نومبر کو پرتھ میں کھیلا جائے گا۔ تمام میچز پاکستانی وقت کے مطابق صبح ساڑھے 8 بجے شروع ہوں گے۔
پاکستانی بیٹرز نے سستی میں سب کو پیچھے چھوڑ دیا، 25 سے زائد اوورز ڈاٹ کھیل ڈالے
