بھارتی صحافی وکرانت گپتا کہا ہے کہ بھارتی ٹیم کو پاکستان بھیجنے سے انکار پر اگر پی سی بی کی جگہ ہوتا تو میں بھی یہی کہتا کہ جاؤ نہیں کرنی چیمپئنز ٹرافی کی میزبانی۔
اے آر وائی نیوز سے گفتگو کرتے ہوئے انہوں نے کہا کہ بھارتی فیصلے سے متعلق 4ماہ پہلے ہی باتیں ہورہی تھی بھارت کے انکار کے بعد اب پاکستان کیا کرے گا؟ کیونکہ پاکستان کیلئے چیمپئنز ٹرافی ہوسٹ نہ کرنا ممکن نہیں۔
وکرانت گپتا نے کہا کہ بھارت نے ایک اور پاکستان نے 2 ایگریمنٹ کیے بھارت نے ممبر پارٹیسپیٹنگ ایگریمنٹ کیا ہے،جو بورڈ ممبر کرتے ہیں جب کہ پاکستان نے پارٹیسپیٹنگ ایگریمنٹ کے ساتھ ہوسٹنگ ایگریمنٹ بھی کیا ہے۔
ان کا کہنا تھا کہ بھارتی حکومت نے اپنے ٹاپ کھلاڑیوں کی سیکیورٹی کو وجہ بنایا بھارت نےکہہ دیا سیکیورٹی ایشو ہے مجھے نہیں معلوم سیکیورٹی ایشو ہے یا نہیں؟ پاکستان چیمپئنز ٹرافی نہیں کراتا تو وجہ کیا بتائے گا؟ پاکستان یہ نہیں کہہ سکتا کہ بھارت نے آنے سے انکار کر دیا ہے۔
انہوں نے کہا کہ پاکستان کو کچھ نہ کچھ ایسی وجہ بتانی پڑے گی جو تسلیم کی جائے، چیمپئنز ٹرافی نہ کرانے پرنقصان نہیں بلکہ پاکستان پرپابندیاں لگ سکتی ہیں، تسلیم کرتا ہوں اگر پی سی بی کی جگہ ہوتا تو میں بھی یہی کہتا کہ یہ کیا بات ہوئی، بھارتی کھلاڑیوں کو پاکستان میں بہت پیار ملے گا یہ سچ ہے آج ماحول تبدیل ہے،کسی کو نہیں سمجھتا سکتے کہ ان کو پاکستان میں پیار ملےگا۔
