کراچی : لیاری ایکسپریس وے پر تیز رفتار جیپ نیچے گرگئی، جس کے نتیجے میں ایک شخص جاں بحق اور 4 افراد زخمی ہوگئے، تمام افراد نشے میں تھے۔
تفصیلات کے مطابق کراچی میں افسوسناک ٹریفک حادثہ پیش آیا، جس میں لیاری ایکسپریس وے پرتیزرفتارجیپ نیچےگرگئی، حادثے کے نتیجے میں ایک شخص جاں بحق اور 4 افراد زخمی ہوگئے۔
گاڑی میں سات نوجوان سوار تھے، جو ہاکس بے سے پکنک منا کر واپس آرہے تھے تاہم لاش اور زخمیوں کو اسپتال منتقل کردیا گیا۔
جاں بحق نوجوان کی شناخت 20 سالہ علی احمدکےنام سےکی گئی جبکہ زخمیوں میں 22 سالہ عبدالاحد، 18 سالہ رمضان اور 20سالہ علی شامل ہیں تاہم حادثے میں ایک شخص محفوظ رہا۔
پولیس نے شراب کے نشے اور تیز رفتاری کے باعث واقعہ پیش آنے کا انکشاف کیا، پولیس حکام نے بتایا کہ گاڑی کا ڈرائیور نشے کی حالت میں تھا، جس کو حراست میں لے لیا گیا ہے جبکہ جائے وقوعہ اور گاڑی سے شراب کی کئی بوتلیں بھی برامد ہوئی۔
حکام نے بتایا کہ گاڑی میں موجود تمام نوجوان نشے میں تھے تاہم ڈرائیور سے تحقیقات شروع کردی ہیں۔
