بالی ووڈ اداکار ابھیشیک بچن سے تعلقات کی خبروں کے بعد اداکارہ نمرت کور کے ردعمل کی ویڈیو سوشل میڈیا پر وائرل ہوگئی۔
بالی ووڈ اداکارہ نمرت کور ان دنوں ابھیشیک بچن کے ساتھ تعلقات کی افواہوں کے باعث خبروں کی زینت بنی ہوئی ہیں لیکن اداکاہ نے اس پر اب تک کوئی ردعمل نہیں دیا تھا تاہم اب انہوں نے ایک معنی خیز ویڈیو شیئر کی ہے۔
View this post on Instagram
فوٹو اینڈ شیئرنگ ایپ انسٹاگرام پر نمرت کور نے پنجابی میں اپنی ویڈیو شیئر کی ہے، جس میں وہ پنجابی میں کہتی ہیں کہ ’دوستی اتنی پکی ہونی چاہیے کہ لوگ دیکھتے ہی جل جائیں‘۔
اپنی ویڈیو کے کیپشن میں انہوں نے لکھا کہ میری اور کے سی (کرم چند) کی دوستی تو ہے ایسی۔
خیال رہے کہ بھارتی میڈیا پر ایک طرف ایشوریا رائے اور ابھیشیک بچن کے درمیان علیحدگی کی خبریں گردش میں ہیں تو دوسری طرف ابھیشیک کے اداکارہ نمرت کور سے تعلق کے حوالے سے بھی قیاس آرائیاں جاری ہیں۔
اگرچہ ابھیشیک ایشوریا سے طلاق کی خبروں کی تردید کرچکے ہیں اور ایشوریا نے ہر خبر پر چپ سادھ لی ہے لیکن اس کے باوجود دونوں کا سال بھر سے زیادہ عوامی مقامات پر ایک دوسرے سے علیحدہ نظر آنا ان افواہوں کو ہوا دے رہا ہے۔
