اسلام آباد : چوہدری نثار نے کہا ہے کہ شکارپوردھماکےکی تحقیقات میں پیشرفت ہوئی ہے،ملزمان کومنطقی انجام تک پہنچایاجائےگا، حملے کے ماسٹرمائنڈکی کافی حدتک نشاندہی کی جاچکی ہے۔
ان خیالات کا اظہار وفاقی وزیر داخلہ چوہدری نثار نے قومی اسمبلی کے اجلاس کے دوران خطاب کرتے ہوئے کیا،انہوں نے کہا کہ قوم سانحہ پشاور اور سانحہ شکار پور کے شہداء کے لواحقین کے غم میں برابر کی شریک ہے۔
انہوں نے لواحقین کو یقین دلاتے ہوئے کہا شہاداء کےخون کے ایک ایک قطرے کا حساب لیا جائے گا،ان کا کہنا تھا کہ سانحات کی تحقیقات کیلئے بہت تیزی سے کام ہورہا ہے، آرمی چیف جنرل راحیل شریف تحقیقات میں مؤثر اقدامات کر رہے ہیں۔
