بالی ووڈ میں اپنی اداکاری سے مداحوں کے دلوں میں جگہ بنانے والی اداکارہ کریتی سینن نے بالی ووڈ انڈسٹری میں ’نیپوٹزم‘ پر اپنا ردعمل دیا ہے۔
اداکارہ کریتی سینن حال ہی میں نے 55ویں انٹرنیشنل فلم فیسٹیول آف انڈیا میں اپنی پہلی پروڈیوس کردہ فلم ’دو پتی‘ کی نمائش کے موقع پر شرکت کی جہاں انہوں نے بھارتی فلم انڈسٹری میں نیپوٹزم کے موضوع پر کھل کر بات کی۔
نیشنل ایوارڈ یافتہ اداکارہ کریتی نے کہا کہ لوگ صرف سپر اسٹارز کے بچوں کو ہی دیکھنا پسند کرتے ہیں جس میں میڈیا کا بھی ایک بڑا کردار ہے کیونکہ میڈیا بھی صرف انہیں ہی فوکس کرتا ہے۔
اداکارہ کا کہنا تھا کہ اقربا پروری کے لیے زیادہ ذمہ دار انڈسٹری نہیں بلکہ میڈیا اور ناظرین ہیں، ہماری آڈینس اسٹار کڈز میں زیادہ دلچسپی رکھتے ہیں، جس کی وجہ سے فلم ساز بھی ان کے ساتھ فلمیں بنانے کو ہی ترجیح دیتے ہیں۔
اداکارہ کا کہنا تھا کہ نے فلم کی دنیا میں نام بنانے کیلئے اپنی جدوجہد کے سفر پر بات کرتے ہوئے کہا کہ جب میں نے بالی ووڈ انڈسٹری میں قدم رکھا تو میرا پرتپاک استقبال کیا گیا، لیکن میری فیملی کا فلم انڈسٹری سے تعلق نہ ہونے کی وجہ سے انہیں انڈسٹری میں جگہ بنانے میں وقت لگا۔
کریتی سینن نے بتایا کہ 2 3 فلمیں کرنے کے بعد بھی ابتدائی دنوں میں میگزین کورز اور بڑے مواقع حاصل کرنا مشکل تھا، لیکن اگر آپ محنت کرتے رہتے ہیں تو کوئی چیز آپ کو نہیں روک سکتی، اگر اسٹار کِڈز بھی ناظرین سے جڑنے میں ناکام رہیں تو ان کی کامیابی ممکن نہیں ہے۔
یاد رہے کہ کریتی سینن نے فلم ’ہیروپنتی‘ سے بالی ووڈ میں ڈیبیو کیا تھا اور حال ہی میں انہوں نے فلم ’دو پتی‘ کے ذریعے پروڈیوسر کی حیثیت سے بھی اپنے سفر کا آغاز کیا ہے۔
View this post on Instagram
