چنئی : تیلگو فلموں کے مشہور اداکار اللو ارجن نے انکشاف کیا ہے کہ وہ پہلی فلم ’گنگوتری‘ کے بعد بے روزگار تھے۔
انڈین ایکسپریس کی رپورٹ کے مطابق چنئی میں پشپا 2 کے گانے "کسک” کی ریلیز تقریب میں اللو ارجن نے شرکت کی جہاں انہوں نے انڈسٹری میں ماضی کو یاد کیا جب انہوں نے گنگوتری سے ڈیبیو کیا تھا، جس کے بعد انہیں ایک بھی فلم کی پیشکش نہیں کی گئی تھی۔
اداکار کا کہنا تھا کہ میری پہلی فلم ’گنگوتری‘ کے ریلیز کے بعد کوئی بھی میرے ساتھ کام کرنے کو تیار نہیں تھا جس کے بعد میں پشپا 2 کے ڈائریکٹر سوکمار نے مجھ پر بھروسہ کیا اور یوں ہمارے طویل اشتراک کا آغاز ہوا۔
الو ارجن نے اس تقریب میں پشپا 2 کے ڈائریکٹر کو خراج تحسین پیش کرتے ہوئے کہا کہ زندگی میں اب میں کبھی اپنے کیرئیر پر نظر ڈالتا ہوں ہو اور سوچتا ہوں کہ کس نے میری زندگی بدلی ہے تو وہ سو کمار ہے، ان کے بغیر شاید میرا کیریئر آگے نہیں بڑھتا۔
واضح رہے کہ پشپا2 اگلے ماہ 5 دسمبر کو سنیما گھروں کی زینت بنےگی، 17 نومبر کو اللو ارجن کی فلم پشپا 2 کا ٹریلر جاری کیا گیا تھا جبکہ اس تقریب میں گانے کسک کو بھی پیش کیا گیا ہے۔
View this post on Instagram
