اسرائیل کو اسلحے کی فروخت معطل کرنے کی ایک قانون ساز کی درخواست کو برطانیہ کے وزیر اعظم کیئر اسٹارمر نے مسترد کردیا۔
غیر ملکی ذرائع ابلاغ کے مطابق برطانیہ کے وزیراعظم نے یہ تبصرہ پارلیمان میں ہفتہ وار وزیر اعظم کے سوالات کے سیشن میں کیا۔
سکاٹش نیشنل پارٹی کے رکن پارلیمان برینڈن اوہارا نے اسرائیلی حکومت کو غزہ میں مزید امداد کی اجازت نہ دینے کے اسٹارمر کے مطالبے کو دہرایا۔
ایس این پی کے رکن پارلیمان نے اسٹارمر سے سوال کیا کہ کیا یہ وقت نہیں ہے کہ آپ اسرائیل کو تمام اسلحے کی برآمدات بند کردیں، پابندیاں عائد کریں، تمام غیر قانونی بستیوں اور تجارت کو روکیں اور فلسطین کو تسلیم کریں؟
وزیر اعظم اسٹارمر نے جواب میں کہا کہ میں نے اسرائیل کو ایسی صلاحیتوں کی فروخت کے بارے میں اپنا موقف واضح کر دیا ہے جو ایران کے حملوں کے خلاف اپنا دفاع کر سکتی ہے، اور میں یہ واضح کرتا ہوں کہ ہم ایسا کرتے رہیں گے۔
2 ستمبر کو برطانوی وزیر خارجہ ڈیوڈ لیمی نے اعلان کیا تھا کہ برطانیہ اسرائیل کو اسلحے کی فروخت کے لیے جاری کیے گئے 350 لائسنسوں میں سے تقریبا 30 کو معطل کرے گا۔
ترکیہ غزہ میں جنگ بندی کیلئے ہر ممکنہ تعاون کیلیے تیار ہے: ترک صدر
تاہم، جزوی اسلحے کی پابندی میں اسرائیل کے ایف 35 لڑاکا طیاروں کے برطانیہ سے تعلق رکھنے والے نکات کو شامل نہیں کیا گیا تھا۔
